Færsluflokkur: Pepsi-deildin

Þeir eru einfaldlega ekki bestir, en svona er þetta.

Auðvitað geta menn verið sáttir með íslandsmeistaratitilinn þegar menn eru ekki einu sinni með besta liðið í deildinni, þó það nú væri.

En ætli leikmenn FH séu í alvöru sáttir vitandi það að þeir eru ekki bestir?


mbl.is Heimir: Mjög sáttur við sumarið
Tilkynna um óviðeigandi tengingu við frétt

Rúllandi hamingja og gleði.

Alveg drulluskemmtilegt, og það er ekki oft sem manni er alveg sama þó mótherjin skori 3 mörk. Í stöðunni 4-2 bara brosti maður, einhvernveginn var það alveg ljóst allann tímann að þetta yrði jarðarför.

Ég heyrði skemmtilega sögu nú í hádeginu. En Óskar Örn skipti um skó við Takefusa í hálfleiK, þar sem Óskar var búinn að skora eitt bauðst hann til að skipta um skó við Takefusa þar sem hann þurfti nauðsynlega að skora til að keppa um markakóngstitilinn.

Enn eitthvað klikkaði þetta því Gunnar setti tvö mörk í seinni hálfleik í skónum hans Bjögga.


mbl.is Óskar Örn Hauksson: Hlýtur að hafa verið skemmtilegt fyrir áhorfendur
Tilkynna um óviðeigandi tengingu við frétt

Hvað skiptir máli orðið?

Er það ekki að vera með og hafa gaman af þessu?  Það er í raun og veru enginn sigurvegari!.

Ég skil þessa umræðu ekki lengur um þetta FH lið, ég var nú á þeirra heimvelli í sumar þegar og sá mína menn valta yfir þá.  Gjörsamlega, algerlega yfirspila þá frá hægri til vinstri, upp og niður.

Það eina sem sendur eftir í minningunni fyrir utan öll þessi mörk sem við skoruðum var þessi Tryggvi Guðmundsson eða hvað hann heitir aftur,  vælandi í grasinu og allir byggingarkranarnir sem skyggðu á völlinn. (ef völl má kalla)

 


mbl.is FH meistari strax í kvöld?
Tilkynna um óviðeigandi tengingu við frétt

Má maður vera svona góður?

Drengurinn var náttúrulega bara eins og kálfur að vori út um allt gras í gærkveldi. Kom aftur á völlinn þegar á þurfti og var að renna sér í menn og vinna boltann.

Gleðilegt viðtal við hann á KR vefnum þar sem hann sagðist hlakka til næsta sumars. Hann er sem sagt ekkert leiðinni með að hætta.

Áhangendur annara liða eru náttúrulega brjálaðir að venju yfir að hann er ekki uppalinn og hann taki pláss frá efnilegum piltum úr yngri flokkunun svo röfla þeir eins og gamlar kellingar yfir að afi hans Björgólfur sé búinn að setja fullt af peningum í KR og la,la,la,la.

Enn eins og heyrðist svo vel í stúkunni í gærkveldi þá:

ER OKKUR DRULLUSAMA UM ÖNNUR LIÐ, ÞVÍ VIÐ ERUM EINA SANNA STÓRVELDIÐ!!!!


mbl.is Björgólfur Takefusa: Þetta er alveg ógeðslega gaman
Tilkynna um óviðeigandi tengingu við frétt

Get voða lítið sagt um þetta, eiginlega bara orðlaus.

Ég fékk símhringingu upp í stúku í hálfleik og varð að sleppa að horfa á seinni hálfleik og  Það þarf anskoti mikið til að ég yfirgefi KR stúkuna í hálfleik.

Mér fannst framistaðan í fyrri hálfleik þannig að ég hafði litlar áhyggjur af þessu, við vorum miklu betra lið og áttum fjölmörg dauðafæri.

En þegar ég hlustaði á Bjarna Fel lýsa upphafsmínútum seinni hálfleiks 0-2 og svo 2-2, já ég er viss um að þeir sem sáu mig í umferðinni á þessum tíma eru enn að tala um það.

Mér bara grunaði ekki að það skipti liðinu svo miklu máli að hafa mig í stúkunni, man það bara næst að slökkva á símanum:)

 


mbl.is Ingimundur: Finnst við geta unnið alla
Tilkynna um óviðeigandi tengingu við frétt

Tryggvi G. setti íslandsmet í grátköstum.

Já langt síðan maður hefur litið þennan heimavöll fh inga augum. En inná milli byggingarkrana, stillansa og naglaspýtna var boðið uppá hina bestu skemmtun.

Fyrst hélt maður að maður hefði eitthvað ruglast þegar gengið var inn um ganga Kaplakrika í leit að stúkunni. Ég byrjaði á að leita mér að öryggishjálm og vasaljósi. Ég held að arkitektin af þessu ætti að fara að líta við og athuga hvort örugglega sé verið að smíða samkvæmt teikningum ennþá.

En eins og gefur að skilja og margbúið er að ræða um í betri fjölmiðlum landsins þá unnu KR sannfærandi sigur.

Ég verð þó að hrósa Tryggva Guðmundssyni leikmanni fh fyrir frábæra sýningu. Að maðurinn hafi enn þrek til að elta dómarann í heilar 36 mínutur,  skæla eins og ungabarn og röfla eins og aldraður herramaður var bara aðdáunarvert. Þetta sér maður bara ekki hjá einum einasta leikmanni úrvaldeildarinnar. Hann virtist bara algerlega óþreytandi, þar til kom að því að fara að spila knattspyrnu, en sem betur fer þá var alltaf stutt í línuvörð sem hann gat hallað sér uppað.

Þetta verður kannski kastgrein á næsta landsmóti u.m.f.í. og kallast grátköst.

Einnig gátum við félagarnir ekki annað en talað um þennan byggingarstíl sem fh ingar hafa kallað stúkusmíði, leitinn að öðru eins samansafni af ryðguðu járnadrasli sem svo heldur ekki vatni né vindi og í raun varla mannskap  er örugglega eingöngu til í Hafnarfirði.

Ég spurði starfsmann fh í leikhléi hvað þetta væru margar byggingar á svæðinu og hann sagðist ekki hafa hugmynd um það. Enn nóg af kaplakrika sem margir kalla (handarkrika)vegna lyktarinnar sem umlikur svæðið.

Eitthvað hefur stuðningsmannalið þeirra gaflara skilað sér ílla úr gleðigöngunni um helgina fyrir utan 10 hræður sem börðu trommur í takt við stuðningsmenn KR inga, aldrei séð svona flotta samvinnu tveggja stuðningshópa í sama leiknum.

Eitt mega þó önnur lið taka sér til fyrirmyndar og það eru salenismálin í handarkrika, mjög jákvætt að sjá gámana til að minnka biðraðir fólks á saleni t.d þeirra sem eru með yngri börn með sér.

 


mbl.is Langþráður sigur KR-inga á FH
Tilkynna um óviðeigandi tengingu við frétt

Trúnaðar brestur!!

Það þarf ekki mikinn sparksérfræðing til að sjá að ástæða brottreksturs er ekki framistaða valsmanna á vellinum í sumar.

Valsmenn eru alls ekkert í slæmri stöðu í deildinni, þeir eru ekkert í slæmri stöðu með leikmenn og þeir voru með einn besta þjálfara landsins. Þjálfara sem hefur skilað verðlaunum til hvers einasta félagssemhann hefur þjálfað. Hvað er þá að?

 Ástæðan eru peningar, nú er vitað að valsmenn högnuðust mikið á sölu leikmanna bæði erlendis og hérlendis. Þessu sölubatteríi stýrði Willum. Hann algerlega sáum alla samninga um verð og annað ef leikmaður var seldur, nema nú fyrir alls ekkert löngu síðan þá var leikmaður vals seldur og það án vitundar sjálfs þjálfarans. Hvers vegna? Jú Willum fær ekki hlut eða prósentu af þeirri sölu þar sem hann hafði ekkert með hana að sega.

Eftir þennan gjörning komu trúnaðar brestir í samstarf Willums og stjórnar Vals.

Stjórninni finnst Willum eigi eiga að þurfa að þyggja fé fyrir sölu á leikmönnum og Willum þolir ekki aðhann hafi verið dreginn út úr þessum hlutum.

Samstarfið gengur ekki.

 

 


mbl.is Willum hættur sem þjálfari Vals
Tilkynna um óviðeigandi tengingu við frétt

Þú varst með liðið í Picknick ferð LOGI!!!!!!!!

Hvernig stendur þá á því að KR liðið standi fyrir framan Þá staðreynd að eftir 14 mínutna leik erum við 2- 0 undir, eftir ..bíbbb!!!! 14 mínutur? Hvað er það annað en ...bíbb... "picknick?

Auðvitað var það frábær karakter sem liðið sýndi að koma til baka og skora 3 mörk í seinni hálfleik og auðvitað vorum við óheppnir að skora ekki þegar boltinn fór 2 -3 sinnum í tréverkið og svo var mark dæmt af okkur og auðvitað var það líka sárt að klúðra vítaspyrnunni.

Enn lið eins og KR á ekki að vera 2-0 undir eftir 15 mínutna leik á heimavelli fyrir framan tæplega 2000 áhorfendur!!!!!

Það eru eingöngu hverfandi líkur á að við komumst upp með svona lagað aftur.

Þið getið notað frítíma ykkar í að skreppa í Picknick túra en ekki voga ykkur að nota FROSTASKJÓLIÐ undir svoleiðis barbie ferðir aftur!!!


mbl.is Logi Ólafsson: Í fótbolta eru menn ekki í ,,picknick"
Tilkynna um óviðeigandi tengingu við frétt

Leiðinlegt að heyra.

Það er rétt að Marko er búinn að spila afar vel í sumar fyrir Grindavík. Sem KR-ingur óska ég Marko alls hins besta í bata sínum.  það væri afar leiðinlegt ef hann kemst ekki á völlinn meira í sumar. Grindvíkingar vonandi leysa þetta stóra vandamál sitt eftir leik við KR á morgun.

Góðan bata Marko og megirðu geta byrjað að spila á ný sem allra fyrst.


mbl.is Marko lenti í vinnuslysi
Tilkynna um óviðeigandi tengingu við frétt

KR með meistaratakta.

Ekki ætla ég að fara mikið ofaní saumana á þessum leik, enda hægt að lesa allt um hann í öllum blöðum ladnsins.

Við félagarnir vorum komnir snemma í hamborgara í Frostaskjólinu enda bestu borgararnir í bænum.

Einn beti leikur KR í sumar og Hafnfirsku stelpurnar heppnar að labba út með 3 stig.

Prinsinn lét alla standa á öndinni með skoti á 25m færi sem hafnaði í markverði FH og þaðan í stönginni. Ég held að Logi og Pétur þjálfarar hafi ekki haft minnsta grun um að tappinn gæti skotið svona skotum. Sjálfsagt er hann sjálfur enn að spá hvað hafi gerst. Spurning hvort hann þori að framkvæma svona gjörning aftur.

Fyrirsögnin hér á MBL er eins og hjá svo mörgum fjölmiðlum sem elska þegar KR tapar er kolröng. En greinilegt er að KR erá góðri leið með að taka titilinn í ár.

Fimleikastelpurnar nýttu sér mistök dómara þegar þeir skoruðu sigur markið enn ekki mistök KR. Einhvern veginn vorkenni ég alltaf dómurum sem missa stjórn á leikjum, þeir reyna allt en láta svo skapið hlaupa með sig í gönur.

 

Enn auðvitað létu stórmenni sjá sig í Frostaskjólinu eins og alltaf og að þessu sinni mátti sjá:

Guðjón Þórðarsson þjálfara Crew og Geir H. Haarde sitja hlið við hlið í stúkunni.


mbl.is FH nýtti sér mistök KR
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband