Dótakvöld.

Loks er búið að koma sleðunum í húsnæði sem við verðum með í vetur og erum við búnir að vera að gera klárt á milli þess sem ég hef verið að taka á móti nýjum fjöldskyldumeðlim og strákarnir bora í nefið og gert ekki neitt.

Nei,nei þeir eru búnir að vera rosa duglegir þó mín hafi ekki notið mikið við undanfarna daga. Ég skrapp þó í síðustu viku og útbjó fatahengi þannig að allir hafa sinn eiginn snaga og útvegaði mér forláta skáp undir hjálma og skófatnað.

Fórum í kvöld í lokafrágang áður en snjórinn kemur. Varahlutir voru komnir í sleðan sem tjónaðist hjá mér eftir veltu á Hveravöllum síðasta vetur.Hann fékk nýtt húdd og gler. (Takk Sjóvá)

 

 

 

 

 

 

 

 

Skipt var um meiða hjá Adda og Heiðari og svona dútl til að losna frá heimilisstörfunum eitt kvöld.

Svo varð maður að máta til að koma sér í rétta gírinn.

 

 

 

 

 

 

 

 

 

 

 

 

 

Athugasemdir

[Jón Snæbjörnsson, 18.9.2008 kl. 11:14]

flott aðstaða sem þið eruð með þarna -

þar er kanski eina vitið í dag að skella sér í sleðamennskuna í dag, jeppatúrar orðnir dýrir

[S. Lúther Gestsson, 18.9.2008 kl. 13:54]

Aðstaðan er eins og best verður á kosið, Jeppamennskan er dýrt sport og búinn að taka ansi vel í veskið mitt undanfarin ár. Ég hef einfaldlega ekki efni á þessu eins og er og hafði kannski aldrei, enn eitthvað verður maður samt að sjá hvað 35" dekkinn komast í vetur.

Þegar maður er búinn að vera að ferðast svona mikið um hálendið eins og ég undanfarin ár er vonlaust að sleppa því alveg.

Sleðamennskan er ekkert ódýrt í sjálfu sér þó muni miklu á henni og að gera út 44" jeppa með öllum búnaði, Sleðinn hjá mér eyðir líklega um 10l á hundraði enn þá er maður líklega á um 60-80 km meðalhraða.

Við lentum oft í að ferðast á færibandinu í lélegu skyggni og vondu veðri í fyrravetur enn það er bara eitthvað svo spennandi líka. Sólardagarnir eru orðnir margir á fjöllum og þá er þetta eitthvað svo gersamlega frábært að ég held að ekkert taki því framm. Þú verður bara að koma með okkur og upplifa þetta. 

[Gulli litli, 19.9.2008 kl. 00:54]

þad er nóg í dótakassanum hjá þér!

[Jón Snæbjörnsson, 19.9.2008 kl. 14:21]

takk fyrir þetta Lúther, það gæti vel verið að mað fái sér sleða ef viðunandi græja finnst - sjáum til