Rólegheit um helgina.

Þá er þessi helgin liðin og ný vinnuvika á næsta leiti. Ekki var beint farið í neinar stóraðgerðir heldu reynt að halda sér sem mest heima við.

Eitthvað aðeins var unnið, 1 stk matarboð og svo aðeins reynt að fylgjast með boltanum hér heima og erlendis.

Það er nú búið að fjalla svo mikið um þessa síðustu umferð í Landsbankadeildinni að ég ætla ekkert að fjalla neitt meira um þetta klúður allt saman.

Ég fór ekki á heimavöll þeirra Valsmanna til að fylgjast með liðinu mínu sigra þá, heldur var heima með yngsta syninum sem eldist með hverjum deginum og hélt upp á rúmlega 14 daga afmælið sitt. Við sátum í rólegheitum og fylgdumst með þessari síðustu umferð upp í sófa, hreiðruðum um okkur þar þannig að við ætluðum aldrei að nenna að standa upp. 

 

Við feðgar að fylgjast með boltanum.

 

 

 

 

 

 

 

Letikastið náði svo hámarki þegar ég ákvað að fara í náttbuxurnar um kl 20 í kvöld. Nú er konan farin að poppa heyrist mér og ég ætla að stinga DVD mynd í tækið.

Góðar stundir.