Óþokkabragð!!!

Eins og eðlilegt er á öllum heimilum vill það gerast að valdabarátta gerir vart við sig milli syskina. Ég man það t.d að litlu systur mínar slógu oft á tíðum á ráðin með að gera eins lítið úr mér og hægt var, og get ég staðfest það að ansi oft voru afar vafasamar tilraunir gerðar til að láta mig líta ílla út.

Nú gerðist það hér á þessu heimili að við konan vorum að reyna að stilla til friðar milli 9 ára stelpunar og 2 ára stráksins. Þá voru þessar týpísku setningar notaðar að hann væri svo lítill að hún yrði að taka hann á æðruleysinu. Það varð úr að hún tók hann í fangið og fór með hann upp á efri hæðina, allt datt í dúnalogn og mikill friður og kærleikur virtist umlykja syskinin.

Þegar hann kom svo röltandi niður stigann var hann uppáklæddur eins og stelpa. Gott ef ekki var búið að mála hann eitthvað líka.

Mömmunni var skemmt,  enn eiginlega er ég enn í sjokki. Þetta er það lágkúrulegasta það sem ég hef orðið vitni af. Ég heimtaði að allir broskallar sem stelpan væri búin að vinna sér inn yrðu þurrkaðir út og hún myndi byrja í mínus 30.

Ég marg ítrekaði við bæði konuna og dótturina hvað svona óþokkabragð gæti haft alvarlegar afleiðingar til lengri tíma litið enn þær ýttu mér bara út í horn og fóru að mynda peyjann í bak og fyrir.

 

SVONA GERIR MAÐUR BARA EKKI!!!!

Og þið feministar vogið ykkur ekki að tjá ykkur um þetta hérna á síðunni.

 

Athugasemdir

[Sifjan, 10.1.2009 kl. 21:27]

ohhhh þessi stelpa... nei drengur... nei stelpa... nei drengur er náttúrulega bara flottust... nei flottastur !! 

Hvað er að þér Sigurður Lúther Vigfússon Gestsson.... við vorum ALLTAF góðar við þig.... ALLTAF.  

Farðu ekki að grenja :=)

[Karl Tómasson, 10.1.2009 kl. 23:06]

S. Lúther. Þetta er frábær færsla og einstaklega skemmtileg mynd af stráknum þínum.

Ég þakka þér allar skemmtilegu heimsókninar til mín.

Bestu kveðjur frá Kalla Tomm úr Mosó.

[Jenný Anna Baldursdóttir, 10.1.2009 kl. 23:20]

Krúttið

[S. Lúther Gestsson, 11.1.2009 kl. 01:41]

Takk fyrir innlitin, ég sé að þið skiljið mig öll svo vel

Karl: Ég er farinn að hafa það sem markmið að koma á síðuna þína og spila ekki lagið FIÐRINGUR með ykkur í Gildrunni. Það hefur ekki enn tekist. Þarf að fara að taka mig betur á. (það skal takast næst).