Landspítalinn framundan.

Guðbjörn Smári sonur minn er að fara í aðgerð á Lsp. Morgundagurinn fer í skoðun og undirbúning og svo er ráðgert að skera hann á Fimmtudagsmorgunn. Þar sem þetta er stór aðgerð er áætlað að hann þurfi að vera á spítalanum minnst 10 daga eftir að aðgerðin hefur farið fram.

Ég mun því þurfa að taka sæng mína og kodda og sofa hjá honum þennan tíma sem hann dvelur þarna, þar sem við konan erum með ungabarn heima sem er á brjósti.

Það er einhvernvegin svo skrítið með það að þó maður hafi í dágóðann tíma vitað af þessari aðgerð hefur maður einhvernveginn ekkert verið að hugsa voða mikið um þetta, en þegar svona stutt er orðið í þetta er ekki laust við að maður sé orðin nett stressaður, eiginlega er nett ekki rétta orðið því maður finnur orðið fyrir kvíðahnútnum í maganum allan daginn.

Mikið annað er á döfinni, enn ég hef verið að eyða deginum í dag við að fresta sem mestu fram yfir þennan tíma.

Það mun þess vegna afar lítið fara fyrir mér á þessari síðu næstu daga. Ekki nema ég rétt kíki hérna og segi ykkur frá hernig heimiliuslífið hjá okkur feðgum gengur á nýja "bráðabirgðaheimilinu"

Þið öll hafið það sem best.

Góðar stundir.

Athugasemdir

[Einar Vignir Einarsson, 13.1.2009 kl. 18:41]

Gangi ykkur vel Lúther minn.  Vona að allt gangi vel.

[S. Lúther Gestsson, 13.1.2009 kl. 19:41]

Takk fyrir mig Einar, þú bjargaðir því sem bjarga þurfti um daginn:)

[Gulli litli, 13.1.2009 kl. 22:09]

Megi adgerdin ganga sem best...

[Gudrún Hauksdótttir, 14.1.2009 kl. 04:08]

Gangi ykkur vel á spítalanum Lúther minn. Vid fáum kannski ad heyra hvernig ykkur gengur í spítalatilverunni.

Med kvedju frá Jyderup

[Svava systir 14.1.2009 kl. 22:40]

vona að allt gangi vel hjá litla manninum og hann verði fljótur að ná sér elsku kallinn.Láttu mig endilega vita hverng gengur.KV Svava

[Páll Jóhannesson, 15.1.2009 kl. 22:10]

Sendi hlýjar kveðjur héðan frá Akureyri.

[Helga og Egill 17.1.2009 kl. 22:13]

Gleðilegt ár, vonum að allt gangi vel hjá ykkur.