Við megum ekki einu sinni knúsa hvort annað.

Ég veit ekki með ykkur en ég eiginlega skil ekki þessa umræðu sem hefur verið áberandi undafarið að við íslendingar eigum að standa saman í þessu öllu sem dynur yfir okkur þessa dagana.

Hvernig getum við íslendingar staðið saman í þessu öllu þannig að það þjappi okkur saman eins og það er orðað?

Hvað þýðir það nákvæmlega að standa saman og hvað má ganga langt í því? Hvað gerist ef fólk stendur allt saman, jú þá myndast einhver ákveðin samheldni sem getur flutt heilu þorpin og fjöllin á bak og burt.

Síðast þegar mjög stór hópur hérlendis ákvað að standa saman og koma einhverju góðu af stað þá var heilli ríkistjórn sópað burt, menn reknir, ráðnir, og kallaðir öllum íllum nöfnum. En það var bara eingöngu vegna þess að ástandið var orðið þannig að við urðum bara að standa saman.

Hvað gerði þetta svo fyrir okkur öll?

Það lætur ekki nokkur heilvita maður sjá sig á Austurvelli í  dag,  því þá gæti einhver haldið að hann væri að mótmæ...... nei ég meina sýna samkennd.

Nú situr fólk bara á nálægðum kaffihúsum og skýlir sig á bak við sólgleraugun meðan það gjóar augunum skömmustulega yfir Austurvöllin.

Þýðir þetta kannski bara að ég eigi að banka upp á hjá granna, berja hann í öxlina meðan ég hleyp í fangið á konunni hans og sega að við séum í þessu saman og ekkert helvítis væl. Nei ætli hann léti ekki ná í mig í hvelli.

Ég man vel að ekki fyrir svo mjög löngu síðan birtust unglingar inn í verslunarmiðstöð hér í Reykjavík og buðu hverjum sem vildu upp á ókeypis faðmlag, ástandið var orðið þannig að nú skyldum við öll knúsa hvort annað. Enn nei, nei þá voru öryggisverðir sendir á staðin og fólkið rekið út. Það var svo mikil hætta á að þeir gætu stolið af fólki var sagt.

Gunnar í krossinum sagði að þetta væri allt vilji Guðs því hann væri svo vondur út í hvernig við hefðum hagað okkur á góðæristímum. Þess vegna brann líka Valhöll.

Ég hef fengið að kynnast mínum Guði aðeins aftur síðustu mánuði eftir að mér sinnaðist aðeins við hann og minn Guð kveikir ekki í húsum fólks af því að það sagði eða gerði eitthvað rangt.

Enn af hverju er þá Guð ekki búinn að redda þessum Icesave reikning fyrir okkur fyrst hann er að splundra þjóðinni? Skyldi einhver vera búinn að sýna honum hann?

Enn við getum allavega glaðst yfir því að það er stutt í næsta KR leik. 

Átak til kynningar á málstað Íslands

Athugasemdir

[Sævar Finnbogason, 5.8.2009 kl. 05:25]

Gunnar í Krossinum er einn harðasti stuðningsmaður Gunnars nafna síns Birgissonar og Davíðs nokkurs Oddssonar.

Kanski... bara kanski er Guð ekki til og Gunnar full of you know what ;)

[Gudrún Hauksdótttir, 5.8.2009 kl. 07:39]

Takk fyrir hressandi pistil og mikid er ég sammála tér.Bara ad verda treitandi tessi klisja "standa saman"

Ekki fer madur ad verda óvinur vina sinna vegna ástandsins hvad er tá verid ad meina spyr fávís kona í útlandinu:)

Kvedja frá Hyggestuen

Gudrún

[Valtýr H 5.8.2009 kl. 15:52]

Lúther minn, Þú  allavega hefur verið mjög óeiingjarn þegar kemur að því að hjálpa fólki með ákveðið vandamál. Fyrir það stendur mín fjöldskylda í þakkarskuld við þig.

Þetta er kannski allt sem þarf, bara óeiingjörn vinátta sem krefst einskis.

En þín vegna myndi ég vilja hafa bara KR leik á hverjum degi

[S. Lúther Gestsson, 5.8.2009 kl. 18:17]

Sævar: það er kannski bara nóg að við trúum á eitthvað.

Guðrún: Danir eru svo lige-glad eitthvað að það er ekkert sem kemur .eim úr jafnvægi.

Valtýr: þú skilar kveðju, þetta með sjósundið var ekkert grín,

[Gulli litli, 8.8.2009 kl. 09:37]

Það væri nú gaman að hitta þennan guð ykkar.....bara einu sinni eða svo...