Tryggvi G. setti íslandsmet í grátköstum.

Já langt síðan maður hefur litið þennan heimavöll fh inga augum. En inná milli byggingarkrana, stillansa og naglaspýtna var boðið uppá hina bestu skemmtun.

Fyrst hélt maður að maður hefði eitthvað ruglast þegar gengið var inn um ganga Kaplakrika í leit að stúkunni. Ég byrjaði á að leita mér að öryggishjálm og vasaljósi. Ég held að arkitektin af þessu ætti að fara að líta við og athuga hvort örugglega sé verið að smíða samkvæmt teikningum ennþá.

En eins og gefur að skilja og margbúið er að ræða um í betri fjölmiðlum landsins þá unnu KR sannfærandi sigur.

Ég verð þó að hrósa Tryggva Guðmundssyni leikmanni fh fyrir frábæra sýningu. Að maðurinn hafi enn þrek til að elta dómarann í heilar 36 mínutur,  skæla eins og ungabarn og röfla eins og aldraður herramaður var bara aðdáunarvert. Þetta sér maður bara ekki hjá einum einasta leikmanni úrvaldeildarinnar. Hann virtist bara algerlega óþreytandi, þar til kom að því að fara að spila knattspyrnu, en sem betur fer þá var alltaf stutt í línuvörð sem hann gat hallað sér uppað.

Þetta verður kannski kastgrein á næsta landsmóti u.m.f.í. og kallast grátköst.

Einnig gátum við félagarnir ekki annað en talað um þennan byggingarstíl sem fh ingar hafa kallað stúkusmíði, leitinn að öðru eins samansafni af ryðguðu járnadrasli sem svo heldur ekki vatni né vindi og í raun varla mannskap  er örugglega eingöngu til í Hafnarfirði.

Ég spurði starfsmann fh í leikhléi hvað þetta væru margar byggingar á svæðinu og hann sagðist ekki hafa hugmynd um það. Enn nóg af kaplakrika sem margir kalla (handarkrika)vegna lyktarinnar sem umlikur svæðið.

Eitthvað hefur stuðningsmannalið þeirra gaflara skilað sér ílla úr gleðigöngunni um helgina fyrir utan 10 hræður sem börðu trommur í takt við stuðningsmenn KR inga, aldrei séð svona flotta samvinnu tveggja stuðningshópa í sama leiknum.

Eitt mega þó önnur lið taka sér til fyrirmyndar og það eru salenismálin í handarkrika, mjög jákvætt að sjá gámana til að minnka biðraðir fólks á saleni t.d þeirra sem eru með yngri börn með sér.

 

Langþráður sigur KR-inga á FH

Athugasemdir

[Guðmundur St Ragnarsson, 10.8.2009 kl. 02:49]

Góð grein og sérstaklega athyglisverðir punktar um artitektúr og öryggi á byggingarstað. Ég vil samt benda á að UMFÍ á að vera með STÓRUM stöfum. Alger óþarfi að gera lítið úr ungmennafélagshreyfingunni svona fh KR-inga.

[Sindri 10.8.2009 kl. 04:29]

Það heyrðist töluvert meira i mafíuni heldur en ykkur. eg heyrði að visu i ykkur þegar þið bættuð við 4 markinu þa byrjuðuð þið að syngja og tralla en ekki fyrr

[Gísli Sigurður, 10.8.2009 kl. 06:12]

Bý nú við hliðina á Kaplakrika og fer þangað oft, hef aldrei orðið var við vonda lykt, né þá naglaspítur út um allt.

En annars mætti klára bygginguna áður en að hún verður tekin út :) Algjör óþarfi að gera það við hálfklárað verk :)

En til hamingju með sigurinn. Held það hafi verið kominn tími til fyrir ykkur að fá að vinna FH, svona einu sinni upp á puntið :)

[Sigurður Eðvaldsson 10.8.2009 kl. 09:18]

Til hamingju með sigur þinna manna, hann var verðskuldaður og sanngjarn. KR-ingar eru með mjög gott lið sem hefur heldur betur náð sér á strik eftir því sem á mótið líður. En ég verð nú að segja eftir lestur pistilsins hjá þér, að það er ekki að sjá að sigurinn í gær hafi haft góð áhrif á þig. Algjör óþarfi hjá þér að vera með skítkast, hroka og aðfinnslur á öllu því sem er að gerast í Kaplakrika. Það eru miklar framkvæmdir sem standa þar yfir á mannvirkjum, sem eru löngu tímabærar fyrir það það nýja stórveldi í íslenskri knattspyrnu sem FH óneitanlega er. Svona tal afhjúpar aðeins öfund og minnimáttarkennd þess sem það skrifar og er þér til minnkunar.

[Landið 10.8.2009 kl. 13:38]

Ég myndi ekki ganga svo lagnt að segja FH eitthvað stórveldi í knattspyrnu. Þeim hefur vissulega gegnið vel undanfarið en stórveldi eru þeir ekki. Þó ekki sé ég KR ingur þá viðurkennum við af Skaganum að KR er stórveldi líkt og Skaginn en önnur lið eiga langt í land.

Mig langar að minnast á eitt og það er styrkur sveitafélaga við félagslið. Nú veit ég að Reykjavíkurliðin og sérstaklega KR gremst mjög hvað t.d. Hafnafjarðarbær legur mikla peninga í meistaraflokk FH. Sama er gert í frjálsum og hafa ÍR ingar kvartað mikið undan ójafnræði sökum þessa. Ég veit ég veit Skagamenn eru engin undantekning þegar kemur að styrkjum frá bæjarfélaginu en ég skil þrátt fyrir það hversu óþolandi það hlýtur að vera að þurfa að keppa um leikmenn við lið sem geta komist í sjóði bæjarfélaga sinna. Þetta er eitthvað sem íþróttahreyfingin þarf að taka á.

Lið eiga að keppa á jafnréttisgrundvelli hvað varðar opinbera styrki. Því miður þá hafa úthverfafélögin verið grófust í þessu.

[Sigurður Eðvaldsson 11.8.2009 kl. 10:00]

Landið: Víst er hægt að deila um hvort FH sé stórveldi í íslenskri knattspyrnu. Við getum þá allavega verið sammála um að vera ósammála um það atriði. En mig langar þá að spyrja á móti : Að þínum dómi, hve marga Íslandsmeistaratitla þarf félag að vinna til að teljast stórveldi hér á landi? Er félag ávalt stórveldi ef það á einhverjum tímapunkti nær  þeirri "tign" alveg burt séð frá árangri síðari tíma? Og að lokum, á hverju byggir þú það að Skaginn og KR séu einu stórveldin hér á landi?