Nýtt í albúmi

Eiithvað reitist inn af nýjum myndum í albúmið. sumarið 2008

ÉG HEF UNNIÐ AÐ LAUSN.

Við þekkjum öll þessar þrengingar sem hægja eiga á umferð, oft eru þær staddar í íbúðahverfum sem hámarkshraði er 30km.

Allt í góðu lagi með þær nema það vill oft verða misskilningur milli bílstjóra sem eru að mætast hver eigi að aka fyrst yfir. Einhver óskráð regla er að sá sem er nær fer yfir fyrst,  enn það er vill nefnilega valda misskilningi hver kom fyrstur að þrengingunni, miskilningurinn er oftast á milli ungs ökumanns og ökumanns sem komminn er á sjötugsaldurinn.

Ég hef LAUSN. Hún fellst í því að sá sem er á dýrari bíl fær forgang! Ökumenn sjá strax hvort bíllinn sem er verið að mæta er drusla eða einhver rándýr eðalkaggi. 

Hér er ég til að mynda á ferð í einmitt svona þrengingu, ég lít á bílinn sem ég er að mæta og ek svo rakleitt yfir á undan,  enda sést vel að bifreiðin sem ég er að mæta er bara drusla. 

Nú auðvitað getur komið upp sú staða að bilar eru á svipuðu verð, enn þá ætti sú regla að gilda að sá sem er með lægra bílalán ætti að fara á undan.

 

DETTI NÚ ALLAR DAUÐAR LÝS ÚR HÖFÐI MÍNU.

Ég hef oft velt mér upp úr kúluleik sem kallast golf, vill síður kalla þetta íþrótt. Enn þar sem félagar mínir hafa verið all harkalegir í aðgerðum til að fá mig á golfvöllinn ákvað ég að leggjast af fullri alvöru til að kynna mér þennan leik.

Til að  sýna öllum að mér var full alvara með að gerast golfari byrjaði ég á að  fjárfesta í Gólfblaðinu, enn það á víst að vera ofsalega flott tímarit um þessa ágætu íþrótt (kúluleik) og aðeins fyrir þá bestu.

Eftir aðeins um 3 mínutna lestur fóru strax að renna á mig 4 grímur, eftir um 5 og 1/2 mínutu fannst mér tímabært að fara í bókabúðina og skila tímaritinu. Lenti að vísu í um 15 mínutna þrefi við afgreiðslumannin um kauparétt og skilarétt.

En það sem við mér blasti eftir þennan stutta lestur var eftirfarandi:

Viðtal við Einhvern Ólaf Þór sem er búinn að æfa gólf í yfir 25 ár of segir að geta sín sé ennþá ekki nógu góð. (Það er bara of langur tími í ekki neitt fyrir mig)

Allir segast fá sér áfengan drykk á 18 holu. (ekki koma allir gangandi á völlinn?)

Það tekur lungann úr deginum að spila einn leik. (fokking einn leik).

Svo finnst mér svakalega dulafullt hvað öll golfblöð eru duglega að minna á MINNISTÖFLUR, HJARTASTUÐTÆKI, VERKJASTILLANDI OG KÆLISPREY. 

Fyrir utan hvað áfengisframleiðendum finnst þetta mikilvægur hópur til að auglýsa vörur sínar fyrir.

 

Nei ég get sagt ykkur það í fullri einlægni og þetta er ekki minnimáttarkennd, mér langar alls ekki til að gerast svona golfari. Held ég finni mér einhverja íþrótt til að dunda mér að í í ellinni.

 

 

 

Talandi um tjaldsvæði

Ég verð bara að sega ykkur öllum 6 sem heimsækið síðuna mína frá afar skemmtilegu atriði sem kom upp á einu tjaldstæðanna hér rétt austan Hellisheiðar nú fyrir skömmu.

 

Þannig var mál með vesti að eldri hjón komu með norrænu á húsbílnum sínum og eru örugglega að rúnda um landið og skoða.

Nema að þessi hjón eru svo sem ekkert á litla húsbílnum, við nefnilega Íslendingar þekkjum lítið annað enn litla Fiata og rekum því upp stór augu þegar þessir líka ferlíki koma, svona rétt um 9 metra langir bílar. 

Þessi hjón voru búin að leggja á tjaldsvæðinu og sitja fyrir utan og eru að þvo þvott þegar þau reka augun í mann sem er að ganga í kringum bílinn og kíkja undir hann og svona laumast varlega til að kíkja inn um gluggana og er auðvitað eins og alvöru karlmaður með grænan bauk í hendi.

Erlendu konunni leist ekki betur á blikuna enn svo að hún laumast með stálfat hinum megin við bílinn og þrykkir henni í andlitið á íslendingnum þegar hann kom fyrir hornið. Íslendingurinn rekur upp þetta skaðræðis öskur, skríður undir bílinn og öskrar hágrenjandi á félaga sína með mikið tjónað andlit.

Fyrr enn varir er komið upp stríðsástand á tjaldsvæðinu, þegar eru komin upp hópslagsmál þar sem  allir öskra eins og brjálaðir á meðan þeir taka ákvörðun í hvoru liðinu þeir eiga að vera. Tjaldverðir kalla strax á lögregluna sem var stutt frá og kom með látum.

Þegar ró var kominn á mannskapinn og lögregla fór að spyrja út í hvað hefði komið upp á, var svarið einfalt. Heima hjá okkur gengur enginn ókunugur upp að húsbílum á tjaldsvæði með bjór í hendi og skoðar bílinn hátt og lágt nema að ætla að ræna honum eða skemma. Við erum bara að verja eigur okkar.

Þeim var tjáð að ef þau ætluðu að nota tjaldsvæði landsins í þessari ferð yrðu þau að nota kúlutjald því Íslendingar eru forvitnir og þykir gaman að hlusta á menn sem eiga stórar græjur.

Íslendingnum heilsaðist samt vel þrátt fyrir að þurfa að þiggja ferð með sjúkrabíl að heilsugæslunni á Selfossi en var komin til baka að ná í dótið sitt nokkrum tímum seinna. 

 

Tíðindalítið hjá lögreglu í dag

Mynduð þið hjóla hringinn?

Ég hef verið að velta fyrir mér hjólreiðafólkinu sem kemur hingað  til að hjóla hringinn í kringum Ísland.

Talar þetta fólk við einhvern áður en það kemur til landsins?

Er einhver ferðaskrifstofa sem segir við þetta fólk að  drífa sig bara?

Hafiði séð svipinn á fólkinu þegar þið keyrið frammhjá því? það gæti drepið Ísbjörn með augnaráðinu, enda engin furða. Greyjin hjóla af stað og lenda svo í norð-austan 10 vindstigum og regnið beint í augun,  rétt komin að litlu kaffistofunni og eiga þá ekki nema eitt stykki Hellisheiði framundan.

Ég held að við ættum að sega þessu fólki sannleikann, að það að hjóla umhverfis Íslands sé óðs manns æði. Beinlínis stórhættulegt og ef eitthvað komi fyrir sem eru allar líkur á,  þá sé ekki nema rétt um 2% líkur á því að einhver stoppi og aðstoði það.

Umhverfis landið æði á sama tíma og þau unglingar sem eru yfirleitt réttindarlausir eða nýkomnir með bílpróf með magafylli af dópi sjaldnast undir 130 km á klst.

Svo sé alltaf talað um að "taka kellingar með hurðinni" um leið og hjólreiðafólk sést. Nánast enginn verkstæði kunna lengur að gera við reiðhjól. Flottast finnst mér þegar einhver snillingurinn bendir fólkinu að hjóla hálendisvegina. "Farðu bara Kjölinn".  Kjölur er líklega sá staður í öllum heiminum þar sem hjólreiðar ættu að vera stranglega bannaðar með öllu. Það að beina hjólreiðafólki á Kjalveg er nánast morðtilraun. 

Æjæj.

Ég var eiginlega að vonast til að þetta mál myndi ekki rata til erlendra fjölmiðla. Það er náttúrulega griðarlegt sjokk fyrir okkur að allur heimurinn  fái að vita að Stóra Ísland með alla sterkustu menn heims skuli hafa laggst á hliðina þegar háöldruð særð kvennkynsbirna og ungur óþroskaður húnn stigu hér niður fæti.

Við getum náttúrulega reynt að ljúga okkur út úr þessum vandræðagangi í okkur og sagt að allir okkar dýralæknar ásamt yfir dýralækni hafi bara verið á ráðstefnu í Japan því hafi sjálfur yfir,yfir dýralæknir Dana verið kallaður til og öll ísbjarnabúrin okkar hafi bara verið á leið á landsmót hestamanna sem halda átti á Hellu til að halda fullum hestamönnum í skefjum. Þess vegna urðum við bara að leiga búr á 10 milljónir.

 

Ísbjarnarmálið í Le Monde

MIG LANGAR LÍKA.

Var að horfa á Loga Bergmann fréttamann á stöð 2 og félaga hans þar sem þau voru að ljúka hrinferð um golfvelli landsins á sólarhring til stuðnings MND félagsins. Frábært framtak, eigið þökk fyrir.

Ég var að spá í að hringja vélsleðafélaga mína og skipuleggja ferð um alla jökla heimsins á vélsleðum á ca 6 mánuðum til styrktar einhvers. Váá... alla jökla heimsins? við þurfum ár til þess og fáum að vera á vélsleðum alla daga.

Spurning hvað frúin segði?? Ég segði henni bara að við værum að styðja flott málefni og kyssti hana bless.

He,he,he 

NÚ ER ÉG BRJÁLAÐUR!!!

Nú virðist það vera í tísku að setja aldurstakmörk á tjaldstæði, sumir hafa gengið svo langt að vilja fá barnlaust fólk í burtu því þeir vita sem er að tjaldgestir sem eru barnlausir eru líklegri til að drekka og syngja en fólk með börn.

Þið sem rekið tjaldstæði og hagið ykkur svona, farið í RASSGAT, já ég segi RASSGAT!!!

Barnafólk er einmitt mikið á ferðinni þó það sé barnlaust, það heitir að fá fríhelgi frá börnum. Alls ekkert óalgengt. það að banna áfengi á tjaldstæðum sem eru fyrir almenning er einfaldlega bannað nema það sé fyrirfram auglýst, brot á mannréttindarlögum.

Ég nota til að mynda ekki áfengi  og verð einfaldlega að meta það sjálfur hvort ég vilji tjalda við hliðina á fólki sem er að drekka. Ég til að mynda ferðast með fólki sem drekkur með steikinni sinni og tekur í gítar í kvöldgolunni.

 

Tiltektaræði hjá mér og herra borgarstjóranum.

Hef haft töluverðar áhyggjur af þessu tiltektaræði sem herra borgarstjóri er a reyna að deila með borgarbúum. Hann sendi einhverjum bréf þess efnis að þeir ættu að taka til, mála, smíða slá garðin og fleira fyrir einhvern ákveðin tíma annars myndu þeir fá himinháar dagsektir.

Nú hef ég vaktað lóðina mína og týnt rusl, slegið garðinn og ýmislegt smálegt fyrir utan húsið mitt. Ég held að þetta litla rusl sem vill safnast saman stundum sé frá öðru fólki komið en mínu heimilisfólki. Þess vegna hef ég reynt að banna alla óviðkomandi umferð í kringum húsið mitt. Stend vaktina snemma á morgnanna og vísa öllum í burtu, lenti í smá rifrildi við póstinn hann var ekki einkennisklæddur nefnilega.

Fólk í labbitúr með hundana sína hafa fengið íllt auga frá mér og hef ég spurt það hvort hundkvikindið kúki hvar sem er. 

Það sló verulega í brýni nú í morgun þegar Hörður nágranni fékk son sinn og tengdadóttur í heimsókn til sín, hef nefnilega ekki séð þetta fólk áður. Ég er svona að læðast með veggjum og reyna að brosa framan í þau. Ekki víst að ég fái fyrirgefningu alveg strax.

Hörður granni veit þó að ég er aðeins að gera mitt besta. 

 

Bráðum verður gaman eða hvað???

Nú er svo komið að dóttirin á afmæli næstu daga, svo sem ekkert stórafmæli enn ég held samt að fyrir hvert ár sem hún eldist þá yngist ég um eitt.

Við konan vorum á sólpallinum í morgun með kaffibollann okkar þegar ég fór að lýsa hvernig við ættum að standa að hátíðarhöldunum þetta árið. Svona lauslega það sem mér var búið að detta í hug síðustu daga.

Fljótlega fannst mér frúin ekki vera eins spennt fyrir þessum degi og mér. Leiðindar og óþarfa komment komu með hverri setningu minni.

Til dæmis: Hörður á þennan garð Lúther - Þetta er akbraut Lúther. 3 rafstöðvar eru bara of mikil hávaðamengun, Fólk þarf að komast heim til sín Lúther, Ég er hrædd um að foreldrarnir yfirgefi svæðið með börnin innan 5 mínútna, Ætlarðu að fá lögregluna á svæðið!!! 

Líklega verður bara setið inn í stofu og blásið á kökukerti Borrringg!!!