Hvað á svo að sprengja í tætlur næst?

Nú hefur lögreglan verið gagnrýnd fyrir léleg vinnubrögð undanfarið t.d óþarfa ofbeldi í nokkrum málum og eiginlega var landinn orðinn meir á móti lögreglunni heldur en með, þessa óánægu stóðu lögreglumenn af sér og það með miklum sóma. Þeir voru ekkert að hlaupa í fýlu og segast hætta.

Nú þegar öldurnar eru að læga þá á að búa til sundrung í röðum lögreglumanna, og Björn bangsi haggast ekki þó allavega 3 lykilmenn hætti störfum sökum þessa.

Það sega aliir við hann ekki gera þetta, enn nei,nei ég geri þetta bara víst því annars væri verið að sega mér fyrir verkum. 

FÍFLAGANGUR!!!

 

Flótti úr lögreglu Suðurnesja

Alvarlegt ástand á mínum.

Nú er ég Lasinn, já lasinn með stóru L. Það er nú þannig að þegar maður býr með sjúkraliða, hjúkrunarfræðing sem að auki er búin að taka ein 2 ár í læknisfræði þá finnst manni einhvernveginn að maður fái alla þá vorkun sem til er í heiminum að maður fái nudd, heitann te bolla og hugreistandi aðhlyðningu. Enn Nei,nei konan segir bara að það sé ekkert hægt að gera!!! nema halda sér innandyra. Það er nefnilega það.

Sjúkdómurinn felur í sér nefrennsli, þrútinn augu, vott af hita og örlítinn höfuðverk. Svona er ég búinn að liggja á annan sólarhring án nokkurrar aðhlyðningar svo heitið geti, nema þá af mér sjálfum.  Ég hef passað mig á að innbyrða nóg af sykri og tek hann inn í fastri fæðu eins og Freyju súkkulaði og Marrud snakki reyni svo að skola vel niður með Coka Cola glösum.

Verst finnst mér að á meðan ég er svona fársjúkur hefur aðgangur minn að þeim nýfædda verið takmarkaður. Þetta er sem sagt smitsjúkdómur sem ég er með, samt er ekkert að mér þannig lagað segir hjúkrunarfræðingurinn.

Það er á svona dögum sem mér vantar mömmu, hún skyldi strákinn sinn.

Enn sá nýfæddi fór í sína fyrstu baðferð í fyrradag og líkaði honum afar vel þangað til hann var tekinn uppúr.

Það er hrikalegt að sjá útlitið á mér í dag sökum þess hve mikið lasinn ég er svo ég læt bara fylgja myndir af fyrsta baðinu.

Hluti af leiknum.

Er þetta ekki hluti af leiknum? Það er bara ofur algengt að dómarar hafa áhrif á leikinn með röngum dómum. Stundum sleppa þeir að dæma mark, svo ég hefði haldið að það að spila leikinn aftur væri rangt. Við munum fá ótal kröfur um endurtekningar leikja í framhaldi.

Reading fékk mark í forgjöf - myndband

Hverjir halda áfram að þjálfa?

Nú þegar glittir í lok þessa móts er gaman að reyna að glugga í hverjir halda áfram sem þjálfarar. Mín spá er svona:

HK: Búnir að skipta út þjálfaranum og þessi verður áfram. Það veit enginn hvað hann heitir og öllum einhvrnveginn sama.

ÍA: Það er ljóst að tvíburarnir verða áfram. Fá líklega ný Armani jakkaföt á hliðarlínuna fyrir 1 deildina.

VALUR: Búið er að semja við Willium næstu 4 árin. Þetta finnst mér flott skref hjá Valsmönnum,  eyðir öllum vafa og menn geta einbeitt sér að öðru. Ekki veitir af

FJÖLNIR: Ásmundur er ekkert tryggur þarna enn er Fjölnismaður í húð og hár og hefur stjórnina með sér. Árangur Fjölnis engu að síður ekkert merkilegur, eru fyrir neðan miðju og það var aðeins byrjunin sem heillaði menn. Hann verður áfram.

FYLKIR: Réð Sverri Sverrisson sem nýjan þjálfara fyrir stuttu síðan og hann á að stýra liðinu næstu leiktíð, bati á leik liðsins eftir að hann tók við.

FRAM:  Þorvaldur KA maður búinn að sanna sig. Frammarar semja við kappann aftur, spurning hvort Þorvaldur sætti sig við upphæðina. Ég segi já.

FH: NEI!! Ekki séns að stjórn FH sætti sig við hann áfram, hann var búinn að vera aðstoðarþjálfari hjá þeim og átti þess vegna skilið að fá séns. Enn Heimir skilaði ekki þeim stöðugleika sem FH vill. Þeir losa sig við hann.

BEIÐABLIK.  Það bjóst enginn við einu né neinu hjá Breiðablik Ólafur Þjálfari var kannski sá eini sem sá að hægt var að gera eitthvað og raunar gekk hann svo langt að sýna að Blikar geta unnið hvaða lið sem er í deildinni. Hann verður grátbeðinn um að halda áfram. Sem hann gerir.

GRINDAVÍK: Milan Stefán Jankovic verður áfram þjálfari. Fyrsa lagi hefur enginn sérstakan áhuga á að þjálfa Grindavík og svo gekk þeim bara vel, enginn pressa og þeir bara dóla þetta. Það er heldur enginn risa vilji í Grindavík til að vinna enhverja titla.

KEFLAVÍK: Það vita allir að Kristján var varaskeifa þegar Guðjón Þórðarsson og Keflavík fóru í fýlu út í hvorn annan. Þessi varaskeifa verður látinn halda áfram, ef hann vill það ekki verður honum mútað til þess, enda einn besti þjálfarinn í boltanum í dag.

ÞRÓTTUR:  Það er ljóst að eitthvað stórt verður að gerast í herbúðum þróttara, þar er enginn innanbúða sem sættir sig við að fallsætið bjargaðist í síðustu umferð. Gunnar Oddsson verður látinn fara.

KR: Hér erum við komnir að erfiðasta giskinu. Logi og stuðningsmennirnir hafa ekki talast við í allt sumar. Hann hefur sagt að hann ætli að sýna ekki tala. Hann hefur ekki sýnt hvað KR liðið er sterkt. Hann samdi upp á það að tæki hann við liðinu í fallsæti í fyrra fengi hann að klára eitt heilt tímabil. Logi klárar þetta mót og hættir svo, þetta er eitthvað sem held ég að allir viti sem borðað hafa pizzur reglulega í Frostaskjólinu.

 

„Viljum enda sem efst“

STÓRVELDIÐ!!!

TIL HAMINGJU STELPUR

NÚ ER EKKERT ANNAÐ Í STÖÐUNNI FYRIR STRÁKANA EN AÐ NÁ Í HINN BIKARINN. ENN ÞAÐ ER NÚ BARA AÐ LEGGJA FJÖLNI AÐ VELLI, FORMSATRIÐI.

 

Svakalega hættulegt.

Nú eru undur og stómerki að gerast USA menn að vinna Ryder bikarinn og ekki einu sinni með Tiger Woods með.

Enn þá erum við kominn að meg málsins, Tiger er meiddur, hann meiddist á síðasta móti eða eins og sagt yrði í boltanum Síðasta leik.

Nú langar mig ofboðslega mikið að vita hvernig hægt er að meiðast í gólfi? Auðvitað getur allt gerst hjá fólki sem er að sveifla kylfu á tjaldstæði blekfullt. Enn Tiger Woods er heimsmeistari og eitthvað miklu meira enn það. Hvernig getur atvinnumaður meiðst í golfi.

Sko hann lenti ekkert í hnjaski, nei,nei hann sleit liðbönd í hné!!! Þeir bera ekki einu sinni kylfupokann sjálfir!!!

Knattspyrnumaður sem er í þvílíku álagi á æfingum og fær svona einar 10 tæklingar í leik á að hættu að slíta liðband í hné.

Nú er golf eitthvað svo óíþróttaleg íþrótt, því er maður mjög hissa á þessu, maðurinn hlýtur að hafa verið að tala við kylfusveininn og hrasað ofan í einhverja risa glompu.

 

Væri bara eðlilegt að skákmaður kæmi heim meiddur af stórmóti?

Bandaríkin með forustu eftir fyrsta dag

Gáfur eru í genunum!!!!!

Þó sá nýfæddi hafi fæðst stór þá var ég alveg gáttaður þegar hann byrjaði allt í einu á að tala í kvöld, já gott fólk ekki nema rétt um viku gamall og byrjaður að tala!! Við sátum bara hérna í stofunni og vorum búnir að hreiðra um okkur í tungusófanum fyrir framan sjónvarpið, þá allt í einu segir sá stutti: KR!!  KR!!

Við sko vorum ekki einu sinni að horfa á KR leik, og ég kom hvergi nærri þessu. Þetta var kannski ekkert eins og það væri verið að syngja í stúkunni í Frostaskjólinu, enn  heyrðist samt greinilega. Ég alveg get svarið það að þetta var ekkert geisp eða rop. Bara KR!

Ég náði mynd af þessu

Skrítið hvað manni finnst bróðir hans sem er ekki nema 2 og hálfs árs vera eitthað orðin stór við hliðina á honum nýfædda. Guðbjörn farð þú og vaskaðu upp!!!

Maður verður alveg að passa sig að gera hann ekki afprýðisaman, þess vegna hef ég verið að taka þann eldri með mér í bíltúr  og spjalla. Hann er nefnilega ekkert að kaupa alla þessa athygli sem sá nýfæddi fær.

 

Hér er svo mynd af þeim bræðrum þegar sá nýfæddi er að fara í skoðun, Guðbjörn stendur og kveður, dauðfeginn að fá að hafa pabba einan heima, Drífiði ykkur út sagði hann bara við mömmu sína.

Dótakvöld.

Loks er búið að koma sleðunum í húsnæði sem við verðum með í vetur og erum við búnir að vera að gera klárt á milli þess sem ég hef verið að taka á móti nýjum fjöldskyldumeðlim og strákarnir bora í nefið og gert ekki neitt.

Nei,nei þeir eru búnir að vera rosa duglegir þó mín hafi ekki notið mikið við undanfarna daga. Ég skrapp þó í síðustu viku og útbjó fatahengi þannig að allir hafa sinn eiginn snaga og útvegaði mér forláta skáp undir hjálma og skófatnað.

Fórum í kvöld í lokafrágang áður en snjórinn kemur. Varahlutir voru komnir í sleðan sem tjónaðist hjá mér eftir veltu á Hveravöllum síðasta vetur.Hann fékk nýtt húdd og gler. (Takk Sjóvá)

 

 

 

 

 

 

 

 

Skipt var um meiða hjá Adda og Heiðari og svona dútl til að losna frá heimilisstörfunum eitt kvöld.

Svo varð maður að máta til að koma sér í rétta gírinn.

 

 

 

 

 

 

 

 

 

 

 

 

 

Það má varla milli sjá hvor er fegurri pabbinn eða sonurinn.

Lítill tími til að blogga þessa dagana. Sá nýfæddi er kominn heim og er svona að taka út heimilið. Ég hef þó ekki ennþá farið með hann í bílskúrinn, til að sýna honum dótakassann en það styttist vonandi í það.

Manni verður eiginlega orðavant þegar máður á að lýsa svona dögum. Læt myndirnar bara um að tala fyrir mig. Ég er allavega sáttur.

 

  

 

 

Nýjasti fjöldskyldumeðlimurinn.

Í nótt sem leið fæddist okkur Völlu okkar 3 barn. Drengur sem vó 20,5 merkur, 57 cm langur. Drengurinn er búinn að láta bíða aðeins eftir sér því móðirinn var kominn 11 daga frammyfir.

Enn þegar hann ákvað að koma þá var ekkert verið að fara sér hægt, eiginlega skil ég ekkert hvernig hann hafði tíma til að anda. Valla missti vatnið rétt um 1 um nóttina og hann lá í fanginu á henni 01:42

Við vorum hér heima í rólegheitum þegar hún missti vatnið, rólegheitum já, já því sem næst og þurfti því að hafa snör handtök til að komast á fæðingardeildina og þar kom yfirvegun föðursins sig vel (Strákar fókus, fókus)

Ekið var yfir á rauðu ljósi með hazzardljósin á og flautun fasta niðri og höfðu ljósmæðurnar engan tíma til að búa neitt um konuna. Var hún lögð í hliðarherbergi nánast beint út af lyftunni og fæddi á bekk sem ekki var mikið breiðari enn 60 cm.

Maður hefur heyrt að eftir því sem aldur föðursins verði hærri því rýrari verði afkoman. Nei, nei 20,5 merkur!!

Ég er náttúrulega bara fáránlega góður í að búa til börn.  Þetta segir manni bara að ég verði að láta staðar numið hér í barneignum því það er ekki leggjandi á neina konu að fæða mikið stærri börn enn þetta. Ég verð bara betri og betri. Hann var laaaaannng stærstur af börnunum sem fæddust síðastliðna nótt og voru þau nú samt þó nokkur.

Hverju er svo um að þakka strákar? jú mataræðinu og boltanum strákar, boltanum. Ég skil eiginlega ekki af hverju konan hefur ekki dottið í hug að nota mig í undaneldi, svo hrikalega góður er ég. Eiginlega bara íslandsmeistari!!!

Leyfum myndunum að tala sínu máli.

 

 

 

 

 

 

 

 

 

Gott fólk leggið andlit þessara drengja vel á minnið því hér eru komnir saman eitt öflugasta framherja þríeggi sem KR mun nokkurn tíma eignast.