Hjólreiðartúr.

Við dóttirin fórum í hjólatúr í kvöld, undiritaður hefur ekki stigið á petala í mörg ár svo neinu nemur og var því valin svona frekar fáfarin leið að ég hélt hringur kringum Elliðaárdalinn. Dalurinn var náttúrlulega fullur af fólki og var maður næstum margsinnis dottin við það eitt að reyna að líta vel út.

Reyndar sýndist mér ég sjá einhverja Tour De France hjólakalla sem var nokkuð starsýnt á mig og á ég von á því að haft verði samband við mig í vikunni. Ég var nefnilega orðinn nokkuð lunkinn eftir ótrulega lítinn tíma.

Maður var orðinn nokkuð lúinn eftir kvöldið og var því laggst út af í sófanum þegar heim var komið og var konan sem reyndar er hjúkka fenginn til að nudda yfir skrokkinn í leit að gömlum íþróttameiðslum sem gætu hafa komið upp, aldrei of varlega farið. Talaði hún mikið um að dóttirinn hefði komið skellihlægandi heim en engu líkara en ég þyrfti súrefniskút, sem er mikill miskilningur hjá henni því þetta snýst mikið um að vera með réttu svipbrigðin þegar maður nálgast fólk.

 

 Ef smellt er á myndirnar stækkar þetta allt um helming, sjáið einnig hverslags rosa græju kallinn er á, allavega 21 gír áfram Tin, blikk, gormar og allt að gerast.

Athugasemdir

[Páll Jóhannesson, 22.7.2008 kl. 12:15]

,,Tour De France" hvað.... svo er vatnsbrúsi og hvað eina, eru kannski steriogræjur líka? til hamingju með nýja hjólið og passaðu bara að það gleymist ekki í bráð og bíllyklarnir nái aftur yfirhöndinni.

[S. Lúther Gestsson, 22.7.2008 kl. 12:49]

Vatnsbrúsin er undir kaffið Páll. Ég hef séð að margir eru búnir að tengja einhverskonar púlsmæli við hjólin sín, ég hef meiri þörf fyrir einhverskonar stereogræjur og kaffihitara ef hægt væri að koma því fyrir. Púlsmæli? Annað hvort eru menn í formi til að hjóla eða ekki.

[Páll Jóhannesson, 22.7.2008 kl. 17:04]

Kaffið klikkar ekki

[Gulli litli, 23.7.2008 kl. 13:47]

Pedalinn fer þér bara vel!