Súkkulaði veislan fer að detta inn.

Það logar gjörsamlega allt Moggabloggið út af styrknum sem Fl kallarnir gáfu Sjálfstæðisflokknum, það er eiginlega ekki hægt að lesa eitt einasta blogg lengur, ekki hægt að horfa á einn einasta fréttatíma, ekki lesa eitt einasta dagblað, ekki hlusta á einn einasta umræðuþátt Það er ekki hægt að fara út í búð að versla. Allstaðar er fólk að barma sér yfir þessu.

Ég held að þessum peniungum hafi verið vel varið, ég meina spáið í annars hefði þeim bara verið eitt í eina einkaþotuna enn, eða einhvern risa sumarbústað.

Skemmtilegur dagur í sportinu. KR vann og Liverpool vann. Er ekki lífið dásamlegt.

Á morgun munu börnin hlaupa um allt hús á táslunum og náttfötunum  í leit að páskaeggjum, það verður meira fjörið, ég ætla ekki að gefa mig,  þeim verður ekki gefin ein einasta vísbending þó þau verði farin að skæla og berja mann.

Og já við hjónakornin eigum eitt páskaegg saman. he,he,he já já já.

Get sagt ykkur frá því þegar Birgir Þór sonur minn sem var 8 eða 9 ára þá fékk páskaegg frá öllum öfum og ömmum, plat öfum og ömmum, frænkum og frændum eitt árið. peyjinn sat uppi með ein 9 stk af eggjum og harneitaði að láta eða geyma eitt einasta egg. Held það hafi tekið móður hans 3 vikur að koma honum niður á eðlilegt plan.