Copa America, Gummi Ben

Ég er einn af þeim sem er mikill aðdáandi Copa America, snilldarbolti, frábærir leikmenn. Oft hefur þetta verið kallaður sambabolti og er það rétt allavega hérna áður fyrr. Þó fannst ekki þessi svokallaði sambabolti vera mjög áberandi á ný afstöðnu móti,  þar held ég líka að komi inn í að þarna hafa orðið gríðarleg kynslóðaskipti, sjáum Brassana þeir mæta bara með menn sem lítt eru þekktir og leyfa gulldrengjunum að klára sumarfríið.

Eitt gladdi mig þó mjög og það var frammistaða Guðmundar Benediktssonar sem lýsti fjölmörgum leikjum, þarna er greinilega mikill fróðleikur á ferðinni og var hann ekkert að spara það að láta landann vita um það sem hann vissi. Skemmtilegur karakter þó hann sé í vitlausu liði. Enn ég er nánast handviss um að hann á KR treyjuna á góðum stað ennþá.

 

Lúkas lengi lifi

Er kominn dagsetnig á hvenar haldinn verður grátsamkoma um allt land vegna endurfæðingu Lúkas? Alveg með ólíkindum að Lúkas hafi lifað þetta allt saman af líklega hefur þetta verið slitinn Nike taska svo hann hefur náð að naga sig út eftir að hann vaknaði úr rotinu.

Já landsmenn góðir þá er bara að fara og kaupa nokkur kerti og kveikja á í tilefni dagsins. Skyldi Ólafur og Dorrit vera á landinu?

Lúther

Hvað gerði löggan rangt?

Ætlar landinn að fara að tuða yfir þessum mótmælum! Þurfum við einhver samtök sem kalla sig Saving Iceland?

Það er vælt yfir harðræði lögreglu í þessu máli, hún kölluð öllum íllum nöfnum og svo kemur þessi náungi og segir að hann hafi verið dreginn út úr bílnum og bara lagður í götuna og væl og væl. Af hverju stoppaði ekki bara maðurinn og talaði við lögregluna eins og maður?

Sko ég var að keyra upp Ártúnsbrekkuna í fyrrakvöld þegar allt í einu ég tek eftir að lögreglubíll gefur mér stöðvunarmerki með bláum ljósum. Átti ég rétt á að draga mínar eigin ályktanir og sega sem svo: NEI ég gerði ekkert af mér og stoppa bara ekki neitt þetta er bara hálviti fyrir aftan mig.

Nei mér ber skylda til að stöðva bifreiðina og tala við lögreglumennina, það var ekkert sérstakt sem þeir viltu, báðu um skoðunarvottorð, ökuskirteini og vildu sjá að allt væri í lagi. Enda kvöddumst við á góðum nótum. Á ég að kæra þessa tilteknu menn fyrir að trufla mig?

Það er ekki þeirra í Saving Iceland að ákveða hvort þeir trufli umferð og hversu mikinn mannfjölda má vera með á akbrautum Reykjavíkur.

 Ein skemmtilegustu fjöldamótmæli sem fara hafið framm í Reykjavík undanfarin ár var ganga Ómars Ragnarssonar niður Laugaveg frá Hlemmi, ganga gegn Kárhnjúkum. Þar gekk lögreglan með enda hún höfð með í ráðum frá upphafi.

Gerum hlutina eins og menn þá verður bara miklu meir úr verki.

Afmælisfjör.

Haldið var upp á afmæli dótturinnar í dag, gellan var 8 ára. Ég held að vel hafi tekist til og þessi dagur verði henni leng í minnum hafður. Hún var send í Smárlindina í morgunn með ömmu sinni og fékk hún að valsa þar um drottningin og velja sér skó og einhver föt.

Svo þegar henni loksins þóknaðist að láta skutla sér heim var búið að blása þennan risa hoppukastala upp í garðinum og sjaldan hef ég séð 8 ára barn setja upp svona stór augu þegar hún gekk út í garð.

Hoppukastali sem eru einhverjir 5x5x6 metrar á hæðina vekur að sjálfsögðu upp spurningar í hverfinu svo undir það síðasta var ekki alveg á hreinu hverjir voru afmælisgestir.

Slökkt var á loftblásaranum rétt fyrir 22 í kvöld og rétt fyrir miðnætti laumaðist mín með eina vinkonu sína upp í herbergi og sofa þær þar núna saman undir einni sæng.

Brjálað fjör semsagt, fullt út úr dyrum í allan dag og allir ánægðir enda ekki hægt að fá betri sólardag enn svona, enda sátu börn sem fullorðir í garðinum og borðuðu og sóluðu sig fáklædd.

Slys á malarvegum

Ég held að t.d ferðamenn sem koma hingað til lands og leiga sér bíl viti ekki af hættunni sem leinist við að aka eftir þjóðvegum landsins hvað þá eftir níðþröngum malarsveitarvegum.

Svo er þetta eins og að spila bílaleik í tölvu, þú veist aldrei þegar eitthver búfénaður hleypur fyrir bílinn hjá þér, hestar, kindur, hundar og fuglar.

Einbreiðu brýrnar hér á landi eru nátturúlega brandari út af fyrir sig og aldrei skal það klikka að það eru stórar holur beggja megin við brúargólfið.

Algengt að erlendir ökumenn velti bílum á malarvegum

Klukk, Klukk.

Ég hef tekið eina konu hér á blogginu fyrir og reynt að hjálpa henni eins og ég get í vandræðum hennar og hef ég lagt mig mikið frammi, tekið mér frí úr vinnu, frestað ferðalögum og fl. Svo launar hún mér öll þessi liðlegheit með því að klukka mig. Jæja DIDA hér eru einar 8 staðreyndir um mig.

 

1. Ég hef ekki ennþá girnst aðra karlmenn.

2. Ég kaupi mér sjaldan föt.

3. Ég set mig oft í fyrsta sæti (Gríðarlegur galli)

4. Ég á 6 bíla (kaupi frekar bíl en skópar)

5. Sjónvarpsófinn heillar meira enn eldhúsverkin. (Ég grilla á mínu heimili.)

6. Ég fæ mígrenisköst og uppgang ef ég kemst ekki á fjöll 1 sinni í mánuði.

7. Ég man afmælisdaga barna minna.

8. Ég horfði á fæðingu allra 3 barna minna, held maður venjist því aldrei.

 

Nú vita sem sagt allir hver ég er.

Bloggarar

Eitt finnst mér einkenna ansi mörg blogg undanfarið, auðvitað fer það eftir kyninu hvað er að fara í taugarnar á fólki þessa dagana.

 

KONUR:  það er bara svo mikil sól að það er ekki hægt að blogga(samt blogga þær)

Þær sega mikið frá því að þær þoli ekki að kaupa skó.

þær virðast ekki koma neinu í verk í þessari blíðu.

Það er útsala í einhverri DERES búð (hvað skyldi fást þar?) 

Guð minn góður ég var klukkuð, jesús minn þá þarf ég að sega frá mér hí,hí jesús minn.

 

 

KARLAR: "Kominn í bloggfrí næstu daga"

 

Hvort kynið þolir svo sólina betur??

Stórleikur.

Nú í kvöld er leikur í 16 liða úrslitum Visa bikarsins. Stæðsti leikur kvöldsins er að mínu mati leikur KR og Vals á KR vellinum. Stórleikur kunna margir að spyrja? þarna eru að spila liðin sem eru í toppbaráttu Landsbankadeildarinnar og svo KR sem situr eins og er í  fallsæti.

Enn Bikarleikur er allt öðruvísi enn deildarleikur, hér eru KR ingar úr leik í bikarnum ef þeir tapa fyrir Valsmönnum, það er bara ekki í boði í Vestubænum. Auðvitað er full ástæða fyrir Kr inga að mæta til leiks með fulla virðingu fyrir Valsmönnum.

Ég er bjartsýnn á að leikur KR inga fari að batna, hann er búinn að taka heilmiklum bata. Við höfum náð að halda boltanum meira innan liðsins og boltinn er farinn að rúlla með jörðinni í lappirnar á leikmönnum. Við erum orðnir miklu hættulegri í föstum leikatriðum og eru menn farnir að setja sig í stöður innan teigs hjá andstæðingunum, menn eru staddir bæði á nærstöng og fjarstöng þegar boltanum er spyrnt.

Ég vill ekki sega að einhver einn leikmaður komi til með að bjarga okkur áfram í kvöld, allir leikmenn KR eru tilbúnir, allir ætla að standa vaktina eins og einn maður.

Við vinnum þennan leik 2-1

Áfram KR.

 

Helgin framundan

Er í miklum djúpum hugsunum hvað ég eigi að gera af mér þessa helgina, hef fengið boð um að mæta í stuð á flúðum (tjaldstæðið),  á ég að nota helgina til að skoða sumarbústaðalóðirnar tvær sem ég á í Grímsnesi, eða á ég að ræsa 46" trukkinn minn og stefna ti fjalla????

Margt hægt að gera enn þetta verður að skoðast í samhengi engu að síður

Flúðir= fyllerí timburmenn

Grímsnes= labb og kuldi

Fjallaferð= Endurnýjun á sál og líkama.

Jónina Ben???

Ekki ætla ég að setja eitt né neitt út á hana Jónínu Ben sem bloggar hér á MBL enda þekki ég hana ekkki neitt og sjálfsagt myndi mér líka stórvel við hana ef ég myndi lenda í því að kynnast henni einn daginn, þess vegna talar maður ekki ílla um fólk sem maður þekkir ekki til.

Enn ég hef lesið hana af og til undanfarið og hvað er málið?? Hún er rosalega upptekin af að blogga um að allir elski hana hún hefur fengið svo mörg bréf undanfarið sem sanna það. Síminn er að gera hana heyrnarlausa, það hringja svo margir og segast elska hana.

Enn ég sat bara hljóður eftir síðustu færslu hennar, Hún er að fara til Póllands og vááá erum við að missa öll bestu hjörtu landsins með henni eða hvað??  Ég óttast þetta brotthvarf hennar. Kemur þjóðin saman og grætur, eins og Lúkas heitinn, verð ég ekki að setja upp sorgarband þegar ég fer út að hlaupa á eftir????

Má ég hafa skemmtilega helgi með börnum mínum og grilla í kvöld eða á ég að setja alla snemma í háttinn og kveikja friðarljós???